📌 5 مهارات ناعمة (Soft Skills) لازم تطورها كممرض اهمها رقم 5...
#أولاً: يعني شنو مهارات ناعمة؟
المهارات الناعمة = الطريقة البتتعامل بيها مع الناس، نفسك، ومحيطك.
يعني هي مهارات غير تقنية، لكن بدونها حتى لو حافظ جسم الإنسان من الجلد للعضم… ما حتنجح
اهم مهارات لازم تطورها هي:
1-معارة الذكاء العاطفي (Emotional Intelligence)
يعني شنو؟
تفهم مشاعر الناس، وتقدر تتحكم في مشاعرك انت.
تعرف المريض خايف؟ تعرف الزول ده مضغوط؟ تعرف متين تسكت ومتِين تتكلم.
ليه مهم؟
لأنو المرضى مرات ما دايرين حقنة...
دايرين زول يحس بيهم، دايرين أمان
2-مهارة التواصل الفعّال
يعني شنو؟
تعرف تتكلم بوضوح وتسمع كويس وتوصل المعلومة بدون لف ولا دوران.
ليه مهم؟
المريض لازم يفهمك والدكتور لازم يسمعك وزميلك لازم يقدر يشتغل معاك.
3-مهارة القدرة على العمل ضمن فريق (Teamwork)
يعني شنو؟
تعرف تتعاون، تحترم دور غيرك، وتكمّل فريقك بدل ما تنافسو.
ليه مهم؟
مافي ممرض بيشتغل براهو
نحن بنشتغل فريق إسعاف، فريق عمليات، فريق تمريض داخلي، فلازم تتعود على العمل ضمن فريق.
4-مهارة إدارة الوقت (Time Management)
يعني شنو؟
تعرف تنظم يومك…
وتنجز مهامك في وقتها…
وتخلي عندك وقت للطوارئ.
ليه مهم؟
لأنك ممكن يكون عندك 5 مرضى وكل واحد محتاج حاجة مختلفة والكفاءة بتظهر في ترتيب أولوياتك.
5-مهارة تقبُّل النقد والتطوير الذاتي
يعني شنو؟
تعرف تسمع الملاحظات بصدر رحب، وما تخلي غرورك يوقفك من التعلُّم، وخليك عارف إنو إثنان لايتعلمان وهم المستحي والمتكبر.
ليه مهم؟
لأنك حتتعرّض لمواقف كتيرة، ولو وقفت تتعلم، حتوقف تتطور.
التصنيف
التمريض العام